Pokka Sapporo Aromx Cafe Orange

2015年7月30日
讀畢需時 1 分鐘

大家做嘢做到攰攰地，會唔會飲啲咩嘢提神？我個人習慣飲葡萄適，不過剛剛係七仔雪櫃見到aromax出品嘅橙味咖啡，我嘅冒險之心又再次受到激發，所以決定試一試味~ 開樽時候聞咗幾下，唔…我覺得都有橙味，不過比想像中淡，或者因為並非用鮮橙，只係用咗人工香料關係，所以氣味無預期中濃烈；入口感覺比較似雀巢咖啡，當咖啡味道散開果陣，我就感覺到少少橙味，如果要講感覺就有啲似橙餅，但味道就好淡好淡，咁啱食緊啲濃味少少嘅嘢(好似豪大雞扒)，咁就應該會完全忽略咗橙味，整體而言都OK，只係價錢好貴囉~ PS:呢兩日我趕稿趕到甩肺，希望有勇者能夠投稿，減輕一下試味壓力，感謝 OTZ by 尼基達 #飲品冒險 #DrinkMe