潮流興玩Crossover，飲品都可以搞呢一套~今日打開7-11個雪櫃，居然發現最左邊角位，收埋咗枝唔顯眼，但係睇包裝已經勁想試嘅嘢…無錯，今次要介紹日本出嘅 - 可爾必思 x 威路士 提子汽水！單睇個包裝已經覺得勁，甜 x 甜(糖 x 糖)肯定唔知會爆成點，我好勇者咁買咗枝試一試味，入口感覺就好似芬達提子汽水，一種假提子味道出晒嚟…再細味品嚐的話，我會用有汽利賓納形容，味道好熟悉及無咩驚喜，唔算爆甜爆酸，唯一驚喜係低糖(100ml/2.9g)，呢點反而最估佢唔到。by 尼基達 #飲品冒險#DrinkMe
留言