ラムネ菠蘿波子汽水

2015年7月26日
讀畢需時 1 分鐘

係！無錯！又係波子汽水！我已經連續試咗三隻口味，咖喱與泡菜，唔洗講都知係伏，咁正統大路口味 - 菠蘿波子水，到底又係咩味道？先飲為敬！開樽一瞬間，確實有啖啖菠蘿幽香，但係唔似地們罐頭咁，帶有甜味香氣，只係似小兒咳藥水味道，大鑊…入口頭兩啖，我已經失去興趣，樽身寫明「無果汁」，我都希望人工味精比番啲感覺我…可惜，只係聞落有菠味道，飲落只得糖精溝糖水味，一大陣藥水與甜灌落口咁款，感覺仲衰過我飲喱喱水… 題外話:我發覺咖喱水與泡菜水係用膠樽，唔似生果味汽水用玻璃樽 by 尼基達 #飲品冒險 #DrinkMe