ラムネ 泡菜味 波子汽水

上星期試咗咖喱水，無理由唔試埋伏中之伏 - 泡菜水，由於可以預期「超級的伏」，我係選擇咗跟女朋友一齊飲，最終我認為決定係正確嘅…因為真心難飲… 開樽一刻閒到嘅係只有蒜頭味，我食咗咁多泡菜，宜家先知「泡菜 = 蒜頭」，嗯…伏，但點都要飲啖試試味覺，一入口…嘩，我係咪塞咗舊蒜頭入口，自己用大牙磨爆佢做蒜蓉？好勁蒜頭味啊！你不如話反彊屍專用紅水啦！大佬…咩嘢泡菜啊…丁屎咁多辣味都唔覺，又感受唔到其他香料味，甚至連菜都唔知死咗去邊…你敢叫泡菜？ 再者…樽身寫就好多糖，但我完全唔覺有咩甜味，對於幻想有絲毫甜味嘅朋友，死心啦…我真係試唔出，而且，枝嘢真係堅難入口，我最多只係飲到半枝，其他嘅歸女朋友，一人一半就係呢啲時候用，所以飲泡菜汽水，最重要唔係勇氣，係夥伴！ by 尼基達 #飲品冒險 #DrinkMe

#ラムネ #泡菜 #波子汽水 #伏飲 #日本