Pokka Sapporo Ribbon 夕張蜜瓜梳打

2015年7月21日
讀畢需時 1 分鐘

我對於蜜瓜,本身並非有任何偏好,平時都唔多食...但係,我對於蜜瓜味類飲品,唔知點解幾情有獨鐘,好似陽光隻蜜瓜奶豆奶,其實係我的最愛(之一),尋晚跟女朋友係地鐵站7-11,見到飲品櫃入咗隻日本夕張蜜瓜汽水,二話不說買枝即試~ 開蓋後索一索味道,真係好強蜜瓜味道~香甜氣味勁似真蜜瓜,我記得睇過電視節目,講過夕張蜜瓜甜度較高,所以好期待入口咩味道...不過,我覺得有少少失望,入口時無錯幾有蜜瓜的甜美甘香,不過果啲碳酸汽泡一散開之後,味蕾就有種好假的藥水/膠味,原本好飲的感覺立即消失晒,反而失落感覺大於一切... 假若佢唔係汽水,純粹係蜜瓜果汁,可能無呢種問題...只可惜...佢就係一枝汽水,最後得到嘅只有蜜瓜藥水味道...唉...失望頂透... by 尼基達 #飲品冒險 #DrinkMe