ラムネ 咖喱味 波子汽水

誓要去 入刀山 浩氣壯 過千關~~~ 難得有讀者投稿,介紹泡菜味汽水,朕又點可以唔挑戰埋咖喱味!?泡菜味稍後我會再試(我拿起枝咖喱水,去到櫃枱比錢果陣,連姐姐都問係咩味道...你話幾堅秋!?) 首先講講味道,好似前人所講...呢枝嘢作為汽水,主要味道就係「甜」,但甜得來無層次可言,不單止沒有原本波子水嘅爽快感覺,甚至甜得來有少少寡口,因為無任何生果或額外的甜味劑帶起味道,至於咖喱味就好似經典朱古力奶廣告話齋,「太多韓瑪莉」搞到咖喱味好似縮埋一二角咁款,基本上淡到可以忽略不理,如果真係要形容隻咖喱味道的話,我會覺得似合味道咖喱海鮮味(without海鮮),味道只得一個字 - 怪。 如果你食緊咖喱海鮮杯麵,飲佢或者係唔錯的配搭,我估你應該會飲得到味道嘅...(我諗) by 尼基達 #飲品冒險 #DrinkMe

#ラムネ #波子汽水 #咖喱 #伏飲