S&W 菠蘿汁

2015年7月2日
讀畢需時 1 分鐘

[老坑飲舊野] 菠蘿水之野望大家一定食過罐頭菠蘿，唔知你細個開某牌子菠蘿罐頭嗰陣，食完啲菠蘿唔夠喉，會唔會想飲埋入面啲水？你阿媽一定九秒九揪住你後頸唔畀嘅。到你大個仔/女，有一日行超級市場就會遇返佢 --「S&W菠蘿汁」，佢話100%原汁原味，乜嘢都唔重要，最緊要係佢可以滿足返你童年時的慾望：好濕熱、唔健康、飲完口渴嘅糖精水，係！就係佢嘞！！幾乎就係你匿埋偷飲嗰啖菠蘿水嘅味道。真係要搵嘢彈，就係佢足料得滯，落多咗菠蘿肉，喂我要食菠蘿肉就買一打菠蘿罐頭慢慢啪啦大佬。 By 老坑悠記 #飲品冒險 #DrinkMe （巴打新 page 齊齊捧場～繼續歡迎各路烈士投稿俾我哋呀喂）