Tarami 蜜柑啫喱飲品

2015年7月1日
讀畢需時 1 分鐘

我一邊話要戒糖戒凍飲,但係作為一個果汁控,仲要係蜜柑迷...見到呢枝大德出品的奇怪啫喱,又豈能錯過唔試飲？首先我要講講呢枝嘢的奧妙,佢個名係叫「蜜柑啫喱飲品」,顧名思義入面並非純果汁,而係有啫喱成分係入面,所以飲之前要大力搖一搖樽身,等啫喱與果汁融合,否則飲嘅時候可能啫喱太大塊,阻塞住咗個樽口。其次佢係有鹽分係入面,所以可以想像成咸蜜柑,飲落味道奇佳,唔單純只得甜味,仲會有一種鹹味,同時係你味蕾上面產生效果,解渴效果真係唔錯,不過樽身標明「果汁10%未滿」,剩下的味道應該都係色素與味劑產生,喜唔喜歡就見人見志啦...最起碼我覺得好飲,可以推介大家試飲。 by 尼基達 #飲品冒險 #DrinkMe