名漾紅石榴汁

2015年6月30日
讀畢需時 1 分鐘

唔知大家屋企,公司或學校附近,有無華潤嘅VanGO!?佢地有時候會入啲罕見嘅產品,好似試過入紅梅子乾,或者啲好少見嘅小食與飲品。今次主角係來自香港製造嘅名漾,由於曾經飲過同一品牌的柑橘檸檬,果次經驗係「無伏」兼且可以入口,所以對於新到貨的紅石榴,抱著一試無妨的心態買入,結果...佢就成為我咗三十年人生,最後悔飲過嘅嘢...(無錯,佢贏咗秋林。格瓦斯) 我係有飲過石榴類的飲品,知道味道會有少少獨特,所以我都預計可能會有少少奇怪,但應該唔會好鬼或極之難飲,不過...名漾的紅石榴汁,完全打破我的想像,首先開樽一刻已經覺「伏味」直透而出,我完全覺得有種煤氣味道,跟我想像中的果香有好大差距,然後入口一試...嘩...果種類似藥草或石化產品的味道,一下子包圍住我的味蕾,果種難入口的程度,真係你唔放過入口都唔知有幾難頂,我真心後悔買咗...店員仲問我咩味道,我只係留底一句「好撚死伏」,叫佢唔好試飲,同埋見到有客買,記得提佢「味道獨特」。相比起「格瓦斯」,我都仲抱有想挑機的諗法,呢枝名漾紅石榴,我真係放棄唔想再見及再試...若果有任何朋友試過,又同我一樣覺得伏到爆,又想用文字來懺悔的話,記得留言分享~ by 尼基達 #飲品冒險 #DrinkMe