三ツ矢梅

我企喺 Circle-K 個飲品櫃前猶豫咗十五秒。左攻右嘅係呢支三支箭系列梅梳打，右攻左嘅係自稱冰碎果實西柚。三支箭同 line 柚子梳打獲得本座極力推薦，而冰碎西柚原本有齊晒我啲飛佛 element，點知原來又係可爾必思。怕咗你，都係試吓三箭柚子同門兄弟。 第一啖，一樣強勁嘅碳酸 base，但梅味超濃超甜。唔使點形容喇，咪就係啋呀梅酒嗰隻梅子味囉，你會覺得一飛沖天嘅碳酸丟低咗梅子，所以梅子甜得特別明顯。飲到中段，我打到呢度呢，先有兩者混和嘅跡象，我懷疑呢隻嘢開樽前要輕輕上下轉個圈搖一搖（梳打嘅嘢自己就住啦），又或者走咁少少氣反而合理番，如果一早計到呢步就實在太高章。 其實佢不過不失，甚至我覺得可以將梅子呢種甜得無層次嘅味道喺一隻碳酸飲品度還原出嚟，一啲都唔差添。可爾必思獵奇嘅嘢……睇心情啦。 By 拉岸 #飲品冒險 #DrinkMe

#三ツ矢サイダー #日本 #碳酸類 #梅子