麒麟世界廚房系列海鹽荔枝

2015年6月26日
讀畢需時 1 分鐘

版友介紹開呢個「來自世界的廚房」系列其中一支飲品，我又嚟講吓同一條 line 嘅朋友先。包裝寫「來自泰國媽媽的智慧」「SALT AND LITCHI」，估都估到咩味，就係寶礦力嗰種西柚 base 換成荔枝，可以有幾伏呢。有趣嘅係，鹽+水果調製而成嘅飲品，原來係泰國人解救中暑嘅配方，香港人應該都大概知鹽加水果嘅化學作用，夏天食西瓜菠蘿加少少鹽，唔會甜到漏又補充到電解質，正。（笑甚麼，香港也是東南亞……）又話說民間特首代言品牌原來喺 2013 年出過相同嘅鹽味荔枝飲品，咁啱又係「沖繩海鹽」。劉華牌年中都應該由呢啲日本飲品度搵唔少「靈感」，係唔知點解人做佢做，佢就特別多伏……（望向又甜又潺西瓜汁）呢個世界廚房系列係麒麟出品，有興趣嘅朋友不妨睇吓佢哋官網，重有其他有趣飲品故事： http://www.kirin.co.jp/products/softdrink/kitchen/about/ By 拉岸 #飲品冒險 #DrinkMe